Bazenekien?


Europar Batasuna 27 estatuz herrialdez osatuta dago.


Greziako mitologian, Europa Zeusek bahitutako printzesa feniziar bat zen, jatorriz Argosekoa.

Frantziak Europar Batasuneko azalera handiena du: 630.000 km².

Greziak, 13.676 kilometrorekin, Europar Batasuneko kostalderik zabalena du.


Argos (Grezia). K.a. 5.000 urtean sortua, Atenasekin batera, Europako hiririk zaharrena da.


Europaren % 80 eta % 90 artean noizbait basoz estalita egon zen; gaur egun % 3 bakarrik.
 

Notre Dame katedrala da (Paris) bisitari gehien dituen monumentua: urtean 13 milioi.

EBk 4 milioi km²-ko azalera du; munduko hirugarren handiena da, Txinaren eta Indiaren ondoren.


Malta da (316 km²) EBko Estatu kide txikiena.

 <

Europar Batasunak 19 herrialderekin ditu lurreko mugak (12.440,8 kilometro).
 

Schengen eremuak 26 herrialdetan mugarik gabe bidaiatzea ahalbidetzen du; horietatik 22 EBko estatuak dira.


Europar Batasunaren kosta-lerroa 89.000 km-koa da.


Europan 446 milioi pertsona bizi gara.


Alemania da herritar gehien dituen estatu kidea: 83.166.711 biztanle.
 

  

Europar Batasunak hiru alfabeto eta 24 hizkuntza ofizial ditu.

Brexita gorabehera, ingelesak hizkuntza ofiziala eta zabalduena izaten jarraitzen du. Europarren % 51k dakite Britainia Handiko hizkuntza; frantsesa, berriz, % 26k.


EBn 60tik gora eskualde-hizkuntza edo tokiko hizkuntza minoritario daude. Horiek, guztira, 40 milioi hiztun inguru dituzte. Horien artean, katalana, euskara, frisiera, samiera eta yiddisha daude.


Europarren batezbesteko adina altutzat jotzen da, 38,93 urtekoa baita. Gizonezkoen kasuan, 39,02koa da; emakumezkoen kasuan, berriz, 38,84koa.
 

Europarren batezbesteko bizi itxaropena, gizonezkoen kasuan, 78,2 urtekoa da; emakumezkoen kasuan, berriz, 83,7koa.

Erasmus+ Europar Batasunaren Hezkuntza, Prestakuntza, Gazteria eta Kirolerako programa bateratua da. Jatorrizko programa 1987an hasi zen.


 Olinpiar mugimendua Europan jaio zen. Grezia izan zen lehenengo Olinpiar Jokoak antolatu zituen herrialdea (1896). Europan, guztira, 29 Olinpiar Joko egin dira (20 udakoak eta 9 negukoak).

 <

Malta populazio-kontzentrazio handiena duen herrialdea da: 1.447 pertsona km2-ko.
 

Zenbait kalkuluren arabera, gutxienez 175 nazionalitatetako herritarrak bizi dira elkarrekin gaur egun EBko mugen barruan.


Europako erlijio zabalduena kristautasuna da. Horren ondoren, erlijio antolaturik praktikatzen ez duten pertsonak (% 25) eta islama (% 3) daude.

Kroazia izan zen EBn sartu zen azken herrialdea (2013) eta, orain, Montenegro, Serbia, Turkia, Ipar Mazedoniako Errepublika (Mazedonia) eta Islandia dira EBn sartzeko herrialde hautagaiak.


Beti ez du Europar Batasuna izena izan. 1993ra arte Europako Ekonomia Erkidegoa (EEE) izan zen. Arlo ekonomikoa baino askoz ere gehiago biltzen zituen erakunde bihurtu zenean etorri zen aldaketa.

Europako banderako izarrak 12 dira. Beti! Ez dauka zerikusirik estatu kideen kopuruarekin.

Europar Batasuna (EB) Europako hogeita zazpi herrialderen arteko batasun ekonomiko eta politiko bakarra da.


Europar Batasuneko himnoak ez du hitzik, musika bakarrik. 1985etik da ofiziala eta Beethovenek 1823an konposatu zuen Bederatzigarren sinfonia-tik dator. Beethovenek, era berean, Schillerrek 1785ean idatzitako Alaitasunaren oda lanari musika jartzeko egin zuen lan hori.


Ez dago presidentetza bakarra. EBko erakundeak zazpi dira eta bakoitzak presidente bat dauka. Kontseilu Europarraren gaur egungo presidentea Charles Michel da eta Europako Batzordeko presidentea Ursula von der Leyen.
 

1985eko ekainaren 12an, Espainiako Gobernuko presidente Felipe Gonzálezek Espainia orduko EEEri Atxikitzeko Tratatua sinatu zuen.

Estatu kide guztiek Europar Batasunetik ateratzeko aukera daukate, betiere haien konstituzio arauekin bat badator. Hain zuzen, Europar Batasunaren Tratatuaren 50. artikuluak arautzen du ateratzeko prozedura hori.


Europako Parlamentuak ez du egoitza bakarra, hiru baizik. Estrasburgokoa egoitza ofiziala da; Bruselan, parlamentuko batzordeen jarduera gehienak egiten dira; eta, Idazkaritza Nagusiaren egoitza Luxenburgon dago.

1999ko urtarrilaren 1ean, euroa Europako diru bakar bihurtu zen eta 2002an jarri zen zirkulazioan. Danimarkak, Suediak eta Erresuma Batuak ez zuten diru-batasun horretan parte hartu.
 

Euroaren ikurra € da eta grezierazko epsilon hizkian oinarrituta dago, Europako zibilizazioaren sorlekuari eta Europa hitzaren lehen hizkiari erreferentzia egiteko. Lerro paraleloek egonkortasuna irudikatzen dute.


24 hizkuntza ofizialek, guztira… 552 konbinazio posible dituzte! Izan ere, hizkuntza bakoitza beste 23tara itzul daiteke. Europako Parlamentuko interpretazio- eta itzulpen-zerbitzuek oso lan konplexua egiten dute.